{% Ease_menu(1)|setTemplate('components/offcanvas-menu') %} **
Arbeiðspláss

Mylnuhúsið

Mylnuhúsið luttekur í Ung í arbeiði 

Mylnuhúsið er ein kommunalur stovnur, ið varð settur á stovn í 1999. Til Mylnuhúsið hoyra eisini Gerðastova og Útistova, ið tilsamans hava vøggustovu, barnagarð og útibarnagarðar. Tó ber tað altíð til hjá børnunum at velja um tey ynskja at spæla úti ella inni -óansæð hvar tey ganga. Tí er tað gott at tíma bæði at vera úti og inni, um tú skal arbeiða her. Í Mylnuhúsinum húsast dagliga tilsamans uml. 76 børnum í aldrinum 0–7 ár og her starvast uml. 19 vaksin. Mylnuhúsið hevur ávísa námsfrøðiliga endamálsorðing, ið skipar gerandisdagin hjá børnunum saman við teimum vaksnu. Hendan námsføðin snýr seg um, at tað eru børnini ið seta teirra egnu "spor" á dagliga lívið á stovninum. Hettar ber til at lesa meira um á heimasíðuni hjá Mylnuhúsinum.

Nakrar av uppgávunum, ið tú kann vænta at røkja á hesum arbeiðsplássinum eru:

- At eygleiða børnini, soleiðis at spor teirra kunnu fylgjast
- At spæla úti og inni
- At samskifta við børnini

Hettar arbeiði krevur sostætt, at tú er kreativ/ur og tolin.

Maja Højsted er leiðari, og hon bjóðar tær "Vælkomin til arbeiðis"

Leita tær nærri kunning um Mylnuhúsið, við at trýsta á slóðirnar niðanfyri.

Heimasíða

Facebook

Søk arbeiði